•~♧ الوجاهة ؤ الوصالة ♧~• بقلم : منتصر إبراهيم

•~♧ الوجاهة ؤ الوصالة ♧~•

كر ،...كر،...
تضحك،...
تهضر ؤ تشكر،...
تغيب ولا تحضر،...
عايشة بلفشر،...
وجها صفر،...
ما تعرف فيها الجلد من ضفر،...
حديثها ما يسالي حتى شهر،...
كل من عرفها هجر،...
ؤ نفر ؤ فر،...
رفاكتها تقصر لعمر،...
زايده فيه بوجها حمر،...
تشعل لعوافي، ...
تشتت لوكر،...
بعينيها يسقط حتى لبكر.

حت،...حت،...
شحال من واحد فضحت،...
ؤ في كلامها سكحت،... ‏‎smile‎‏ رمز تعبيري رجعت )
بردات للقضبه، ؤ لفعايلها رجعت،...
لله حشمت ؤلا ما حشمت؟...
تحميها ؤ تسلت،...
حتى لجامع ما وقرت،...
دخلت ؤ حلفت،...
ؤ لخيام هددت ؤ هدت،...
ينعلها قاعيدة ،...
تفسد كل كعيدة،... ‏‎smile‎‏ رمز تعبيري جلسة)
بحضورها،...
غاب السكر ؤ حضرات سنيدة،...
ديما مشمرة ؤ مكردة تكريدة،...
العسل رجع من سنيدة،...
الله ينعلها قاعيدة،...

* زجلية بقلم : منتصر إبراهيم
* 22مارس 2016
* مدينة سلا المغرب