نشرتك بالجريدة وكلت مفقود
و آني أيدي عليك وانتة غايب
خاب الترك خلة بساعة الضيج
وحس شكد نفاه الجان خايب
بالك وين راح؟
منهو اللعب بيك؟
ترة كثر الزحف سبب مصايب
مرة اهواي زين وتحجي وياي
ومرة جنازة عندك مال شايب
تايب من عشك عود اتصل بيك
وانتظرني وراح اجيك هواي تايب
حبي وياك حال الشتة والصيف
ما ينجمعن وهنة الكرايب
اصفة انتة بهواك وانبذ التعداد
توكف بالنظام وانتة نايب
لا تنظر وراك وتتأثر بذاك
تمشي انتة عدل وذاك سايب
مايصعد نسر لو جنحة مكسور
وطيور الحب يتعبن غرايب
شفت من دنيتي واللة أشكال والوان
شفت من العجب يطلع عجايب
مرة إنسان عادي وطبعة من جام
وبيتة جام بس طبعة الطلايب
ما فاز بغرامة وعاش مرتاح
بس الي عرف معنى حبايب
بقلمي
الشاعر جبار الكريم الشمري
و آني أيدي عليك وانتة غايب
خاب الترك خلة بساعة الضيج
وحس شكد نفاه الجان خايب
بالك وين راح؟
منهو اللعب بيك؟
ترة كثر الزحف سبب مصايب
مرة اهواي زين وتحجي وياي
ومرة جنازة عندك مال شايب
تايب من عشك عود اتصل بيك
وانتظرني وراح اجيك هواي تايب
حبي وياك حال الشتة والصيف
ما ينجمعن وهنة الكرايب
اصفة انتة بهواك وانبذ التعداد
توكف بالنظام وانتة نايب
لا تنظر وراك وتتأثر بذاك
تمشي انتة عدل وذاك سايب
مايصعد نسر لو جنحة مكسور
وطيور الحب يتعبن غرايب
شفت من دنيتي واللة أشكال والوان
شفت من العجب يطلع عجايب
مرة إنسان عادي وطبعة من جام
وبيتة جام بس طبعة الطلايب
ما فاز بغرامة وعاش مرتاح
بس الي عرف معنى حبايب
بقلمي
الشاعر جبار الكريم الشمري
ليست هناك تعليقات:
إرسال تعليق