الأربعاء، 30 مارس 2016

أبيض و أسود **سمير ابراهيم زيان

أبيض و أسود
**
فتش انكش
ف دواير
قلب جوه الأرض
دور ف النبت
الداير
وافضل نحكش
واختارلك رسم
أبكم .. بصوابعك شاور
جواك المعنى يا أطرش
أعمى.. بعصيتك حسس
المس ف الجسم
ناور حاور
قربت تقرب
قادر تهرب ؟
بص كويس
تعرف اسمك ؟
هات موازين بكفوفها
وأوزن نفسك
اللى انت عارفها
اطلع فوقها وشوفها
تقل رجلك
واحده ف كفه
وواحده ارفعها
بخفه
شايف وزنك ؟
بوصله ودفه
مرهون وقتك بزمان
للزفه
ف أى مكان
متفتت
نايم ميت
ميت كان
لسه بيتنفس
روحك باقيه
تدور مش لاقيه
غير عضم مسوس
ف ألأبدان
وأعمار تترصص
ف ألأكفان
**
الأحد 27 مارس 2016م
سمير ابراهيم زيان
مرسلة بواسطة في

ليست هناك تعليقات:

إرسال تعليق

الاشتراك في: تعليقات الرسالة (Atom)