Sami Bsat
يا ابني...
يا حلم عمر شفتو
يا نبضة بقلبي
يا احساس قبلك
ما عرفتو...
بشوفك
بشوف حالي زغير
برجع لعمرك
برجع انا امير
وبرجع اتذكر بيي
بيي اللي كان يغمرني بحنيي
ويقلي يا ابني بكرا انت رح تكبر
ويا ريت بعد ما تكبر بتتذكر
ايدي اللي هلق حاضنتك
تمسكها شوي بعد ما تكبر...
لا مال انشالله رح عوز منك
ولا بدي شي غير انك
تجي تشوفني بعد يصير عندك
عيلتك وولادك وما يلهيك شغلك
عني
يا حلم عمري يا ابني
يخليك ربي ويحميك
وما يحرم عيوني منك...
اسمعني يا ابني اسمعني منيح
حلمي شوفك بحياتك مستريح
حلمي شوفك بمركز عالي
تا مرارة الحياة تحلالي
وامشي رافع راسي بين الناس
امشي وعندي الإحساس
انو ربي اكرمني وانعم عليي
بإبن كللو عاطفة وحنيي
ابن بكبرتي بيسأل عليي
ومتل ما كنت اغمرو وهوي زغير
بيغمرني هوي اللي صار كبير
غمرتك يا ابني بتعنيلي كتير
غمرتك بخريف عمري بتعملني امير
غمرتك بترفعني لحدود السما
وشو بدي من ها الدني اكتر انا
انو شوفك بالعالي وابقى ببالك
متل ما انتي ببالي..
واحلى كلمة بسمعها منك
وقت اللي بتجي وتغمرني
وتقللي يا بييي..
شو اشتقتلك......
يا حلم عمر شفتو
يا نبضة بقلبي
يا احساس قبلك
ما عرفتو...
بشوفك
بشوف حالي زغير
برجع لعمرك
برجع انا امير
وبرجع اتذكر بيي
بيي اللي كان يغمرني بحنيي
ويقلي يا ابني بكرا انت رح تكبر
ويا ريت بعد ما تكبر بتتذكر
ايدي اللي هلق حاضنتك
تمسكها شوي بعد ما تكبر...
لا مال انشالله رح عوز منك
ولا بدي شي غير انك
تجي تشوفني بعد يصير عندك
عيلتك وولادك وما يلهيك شغلك
عني
يا حلم عمري يا ابني
يخليك ربي ويحميك
وما يحرم عيوني منك...
اسمعني يا ابني اسمعني منيح
حلمي شوفك بحياتك مستريح
حلمي شوفك بمركز عالي
تا مرارة الحياة تحلالي
وامشي رافع راسي بين الناس
امشي وعندي الإحساس
انو ربي اكرمني وانعم عليي
بإبن كللو عاطفة وحنيي
ابن بكبرتي بيسأل عليي
ومتل ما كنت اغمرو وهوي زغير
بيغمرني هوي اللي صار كبير
غمرتك يا ابني بتعنيلي كتير
غمرتك بخريف عمري بتعملني امير
غمرتك بترفعني لحدود السما
وشو بدي من ها الدني اكتر انا
انو شوفك بالعالي وابقى ببالك
متل ما انتي ببالي..
واحلى كلمة بسمعها منك
وقت اللي بتجي وتغمرني
وتقللي يا بييي..
شو اشتقتلك......
بقلمي Sami Bsat
ليست هناك تعليقات:
إرسال تعليق