نصف اﻷصدقاء أعداء ... حامله المسك

نصف اﻷصدقاء أعداء
بشارع مظلم
وحدي واكف
وجاني شايب
وبده يسأل 
شنو يعني لك صديقك
كلت له:
صديقي صاحب
وما يوم ينمل
كال لي:
بس
وضح لي أكثــــر
كلت له:
دلاني الدرب
خلاني أندل
كال لي:
إذا سألك صديقـك
كلت له:
خوية
وما شفت في ذا يوم أجمل
وليدي إذا كلت لك صديقـك
كلت له: غالي
وكلبي من فركاه ينسل
يابه يا معود صديقـــك
كلت له:
ظلعي وعقلي بيه
حرم وحلل
كالي:
بس احسبه زيــن
كلت له:
وين تريــد توصـــــل
كال لي:
مخدوع بزمانــــك
كلت له:
عمـــــــــي ممــكن أسأل
شنو يعني لك صديقـــك؟
كال لي: خاين
وبظهري ثبت المنجل
كلت له:
بس وضح لي أكثر
كال لي:
أسقي له عسل
يسقيني حنضل
كلت له:
إذا أسألك صديقـــك
كال لي حاقد
واللي يريده
يشوفني أنــذل
عمي إذا أكول لك صديقــــــك
كال لي:
بس إنــدار و ظل
يشتم وينعـــل
كلت له:
صديقك مو عدوك
كال لي:
كيف من طحت
وبحزني هلهل
هذا واقع كل صديق
واريد أنصحك
وما أريدك مني تزعــل
لأن من كلمة صديقي
شاب شعري
انكسر ظهري
دمعي وشل
أنا وكتي وصاحبي
خلصو عمري
لأن صاحبي بي يغدر
وكتي بدل
وفكرت بحجايته
وطلعت صحيحة
واتضح صاحبي
دور الصديق
وياي مثل
لأن مين وكتي حلو
يمي لكيته
ومين أفتر عكس
بابه قفـــــل
لأن ويا أني
أضحي أفدي بروحي
وهو سكين
الغدرمنه تنسل
ولأن واقف
وي اللي ذبحون
بيده السكين
وعلى ذبحي كمـــــل.