كدرتك شفت ماتسوة العتاب..بقلمي الشاعر جبار الكريم الشمري

كدرتك شفت ماتسوة العتاب
شعاتب بيك يل نارك فلا تضوة
لا حلي ولة لي ولا انتة ملكاي
ألما كامش رسن لا يحجي بالصهوة
المطاكك أخلاق ومدرسة وتعليم 
ترة الفاصخ عقل ما عندة أي نخوة
تتكبر عليمن وانتة من طين
وشايل خشمك وكلك أبن حوة
شتوصل كلي قابل مال قارون
مو حلوة دنيتك والله مو حلوة
أذا افشخك امسودن صرت زعطوط
وزعطوط اليذب هيبة عكل نزوة
لاكيني بحرب بساحة بهداي
وحك ربك اخضنك مثل شجوة
لاكيني بحلم بس أطلع وياي
عيونك ماتنام وحلمك اليدوة
عزرايل أهون ينطي لزمات
لو تصعد الغيرة العندي ماتروة
أشرب دمك ودم النغر وياك
بس بينة طبع بالكيف من نهوة
نطلب ثار ونعف هذا الحسين
يدك بالراس جسد معنة كل خوة
لتصير الضحية وانتة الأسباب
وصير انتة سبب لو غيرك اجوة
ولاتفزع اباطل تبقة مذموم
ترة عيون البشر اتميز القوة
افزع لليهودي لو ولوا إسلام
وعلة شيلة صدر لاتفزع بكروة
وأخذ مني نصيحة الحنية أوطان
تعامل بالمكارم ومحي كل قسوة
ما فاز بحياتة ومات بس حوك
إلا الي رشد ولموتة بي رجوة
عيش الحرية صح محتاجة ذرعان بس
بوقات لا ترفع جفوف وانتة ماتسوة
تطكك سكتتة السلمهة بيد الله
لأن سطرة الظالم تخلص وتخوة
تدنك عل طعام وهوة محصود
عزيز يصير كلش سنبل الجوة
أخذ طيب النخل شما علة سعفات
وجمار الكلب حتة باخرة الذروة
حب بإحساس ناسك صرت سلطان
ترة دوم المراكز تصعد بفدوة
بقلمي
الشاعر جبار الكريم الشمري