حناية انتة جفك وبطحين يدوف
يدوف اشلون يل جفك عجينة
ما شفت آني جف تغازلة الشنكات
طاحت من حلاتة جفوف ادينة
يل تخبز عليمن واكف وتعبان
اكعد من بعيد وجمي بينة
بيك تموع نار وما بيهة كل دخان
تثعول مو رماد بنار أمانينة
المعجنة اتامرت وية الطبك شمات
زعلوا من دروا تحضن صوانينة
يحبك طيب اهلنة ونخل السلف همات
ونحل المزرعة والذاخرينة
ويذكرك دوم أبوي ونبك سدرات
والواكف عليه واللامينة
رغيف الخبز ماصخ وانتة الة الملحات
لبن يلي سمارك شانينة
من تصفك الخبزة نحسهة تطلب ثار
أظن تنوركم عال وشاجرينة
راضع من ضرع طبع الفرات ابكور
اشايل من حمل ذيج السفينة
خلينة نكلك ياإبن عشرين
حسبنة أيامك وتاهت علينة
ما تكبر أبد شنهو انتة من سنين
نشوفك كل صبح وجه المدينة
جنوبي ومن تزامط بيك يحلة الزود
عليك ازنود متنسية بضعينة
يدوف اشلون يل جفك عجينة
ما شفت آني جف تغازلة الشنكات
طاحت من حلاتة جفوف ادينة
يل تخبز عليمن واكف وتعبان
اكعد من بعيد وجمي بينة
بيك تموع نار وما بيهة كل دخان
تثعول مو رماد بنار أمانينة
المعجنة اتامرت وية الطبك شمات
زعلوا من دروا تحضن صوانينة
يحبك طيب اهلنة ونخل السلف همات
ونحل المزرعة والذاخرينة
ويذكرك دوم أبوي ونبك سدرات
والواكف عليه واللامينة
رغيف الخبز ماصخ وانتة الة الملحات
لبن يلي سمارك شانينة
من تصفك الخبزة نحسهة تطلب ثار
أظن تنوركم عال وشاجرينة
راضع من ضرع طبع الفرات ابكور
اشايل من حمل ذيج السفينة
خلينة نكلك ياإبن عشرين
حسبنة أيامك وتاهت علينة
ما تكبر أبد شنهو انتة من سنين
نشوفك كل صبح وجه المدينة
جنوبي ومن تزامط بيك يحلة الزود
عليك ازنود متنسية بضعينة
بقلمي
جبار الشمري
جبار الشمري
ليست هناك تعليقات:
إرسال تعليق