..يامنه وعبدالرحمن ....محمد مقيبل حمد

يامنه وعبدالرحمن 
في ذكرى الخال عبدالرحمن الابنودي 
.........يامنه وعبدالرحمن .......
مت يا عبدالرحمن لاجل اشوفك
جيت يا عبدالرحمن وزال من القلب خوفك 
أني يامنه يا واد ليه كسوفك
تهت ياواد بين البشر
نسيت يامنه والقدر
اديك جيت
وشك والا القمر
كنت عارفه انك جاي
مهما تكون نساي
في يوم حيجمعنا القدر
والله ياعمه ما نسيتك
ورحت في الدنيا على بيتك
بس يا خساره لقيتك
سايبه رساله من نار
مكتوبه يامنه ع الجدار
دقت من يومها المرار
واديني جيت اخرت المشوار
اسكن معاكي في نفس الدار
ياااااه يا عبدالرحمن
والله وحشني يا واد كلامك المعسول
تعالى جنبي هنا حنعيش هنا على طول
كيف الدنيا وراك يا عبدالرحمن
ياود قول
والله الدنيا اتغيرت يامنه كمان والقول
راحت ايامنا الحلوه ايام وابور الجاز
ويا عمه الناس طوابير على انبوبة غاز
يااااه يا عبدالرحمن
رجعت تاني يا واد تتكلم بالالغاز
انا ايش فهمني يا واد في الغاز
بتضحك عليا يا واد اكمني جاهله
بس حروح الجنه واخدك معاي
علشان بحبك من جواي
والله يا عمه ما بضحك
دا الغاز بنولع بيه
صندوق باربع شعلات
مش ميفه ونار بحطبات
ايامك كات حلوه يا عمه
عايشينها ببساطه ولمه
والناس بوجوه مبتسمه
صافيين بترضيهم كلمه
مسألتيش ع اعيالي يا عمه
واسأل ليه
عارفاك سايب ليهم
ناس كتير بتحبك
انت يا عبدالرحمن معروف
بطيبة قلبك
كل الناس راح تدعيلك
برحمة ربك
الدنيا يا واد كده كده فانيه
بكره عيالك حتكون جنبك
وبدعوات الناس وعيالك
إن شاء الله
يرحم ربك
..................محمد مقيبل حمد