أنا الملعون 3 آلام رهيبة ملئت جسمي اللي أنتفض بعنف علي السرير في المستشفي اللي كنت فيها.حسيت بعظامي بتتكسر ومعدتي بتألمني وحسيت بشرايين جسمي بتضخم وتوسع.عمودي الفقري برز من ظهري زي شوك الصبار.فجأة بدء شعر أسود كثيف يخرج من جسمي وعيوني اختفت وبقي مكانها نيران متوهجة وبدل الاصابع لقيت مخالب ورجلي بقت حوافر بشعة.كنت بتحول في مكاني وكل ده ومحدش دخل الغرفة عليا من الممرضات.اخيرا لقيت نفسي قادر اتحرك فقفزت من مكاني وبصيت في المرايا اللي متعلقة علي باب الغرفة لقيت أبشع مشهد في الدنيا.قرون ونار في عنيا وشعر أسود كتير في وجهي وجسمي وانياب طويلة في فمي،حاولت اصرخ بس لقيت زمجرة بتخرج مني.وفي أثناء كل ده حسيت احساس غريب جدا،حسيت بالجوع،حاجتين كنت عايزهم،لحم ودم،ايوه دول اللي كنت محاجلهم في اللحظة دي بالذات.في اللحظة دي دخلت الممرضة علشان تغيري المحلول في الميعاد المحدد وياريتها ما دخلت،لما شافتني حاولت تصرخ بس ملحقيتش،ضربة واحدة من مخالبي طارت رأسها بعدها وسقط جسمها مكانها واندفعت نافورة دم منه.هنا مقدرتش امسك نفسي وبقت المستشفي كلها دم يتبع "اسماعيل محمد"
ليست هناك تعليقات:
إرسال تعليق