دموع الندم...على حسين

أغنية...دموع الندم
دموع الندم...
على أيه نزلت...
نزلت على واحده حبيتها...
وبعدين هى اللى نسيت...
نسيت زمان...
لما كانت على دراعى بتنام...
بالليله و الللتين...
أحكيلها حكايه و لا حكايتين...
و كل اواميرها فى الأحلام با أقوم ليها أنفذها...
في مواعيد كنت باجيها قبل منها...
مش ماشي...
دنا طاير في الهوا طياران...
أوضب فى هدومى...
أرتب فى كلامى...
و صحبة ورد أشترتها و اللهي بالدين...
و ح أقابلها بأيه تانى...
علشان ما أزعجهاش...
دى كانت بتسبل فى رموشها أول ما ألمسها....
أيديها ترتعش من قبل ما أمسكها...
و لا تهتهة كلام الحب...
من على طرف لسانى...
واصله لمشاعرها فرحانه بيه...
و فاجئه أختفت ما لاقيتها...
رجعت لحبيبها...
و كانت واخدانى أنا سلم لكبرايئها...
تنتقم بيا من اللى جارحها...
و أنا اللى كنت مصدق كل أحاسسها...
و هى بتبل بدموعها شفايفها...
و خدودها تحمر من حرارة حب...
و الله كنت باشوفها أنا بالعين...
فاجئه أختفت...
و رجعت لحبيبها...
فا دموع الندم...
على أيه نزلت...
نزلت على واحده حبيتها...
و بعدين هي اللى نسيت...
ماهى دى دموع الندم....
دموع دموع دموع الندم...
مع تحيات شاعر الوجدان الشاعر السكندرى/على الطاووس