اعمة ويخيط بخيط كل ظنة ملظوم...بقلمي جبار الشمري

اعمة ويخيط بخيط كل ظنة ملظوم
شما وصل فتكة يزيد ويحمل غيوم

ليش الفقير اليوم ماكول مذموم
بس التعب واساه والظهر مكروم

فوك الحبس ياناس مجروح ملجوم
والزارتة الشمات وحبابة الة كوم

عايش حياتة اوداع وبالعيد الة صوم
يتوسد الحيات وما ضايك النوم

لو تدري شنهي الصار والزيد اهموم
المات من العوز ينذكر مسموم

ما تنشف الدمعات بنشفة البلعوم
تنزل علة الوجنات جن طفل مفطوم

مكتول مو من كوم من لايم يلوم
والدفنتة أحزاب ونكتب معدوم

لا تعتقد يعراق تبقة انتة مظلوم
لابد يجيك الفرج وتفرح بيوم

بقلمي
جبار الشمري