محمد عبد العزيز دراز
............ صرخة ام ............
الام قاعدة في بيتها متحيرة
تستنى رجوع ابنها السكرة
سافر يشتغل مع مراته ف القاهرة
وهي قاعدة تستنى يجي بس يطمنها
ويروي شوقها ليه وحنينها
بس للاسف طال الغياب
وهي قاعدة ورا الباب
وعنيها مليانه دموع
حيرة وشوق وعتاب
ولما طال الانتظار
خرجت تقعد على باب الدار
وتقول يمكن نسي لون الجدار
ويمكن يتوه من طول المشوار
ويعدي عليها ايام وشهور
ولا بيرجع ويقول دستور
يا ولدي خايفة يجي عليك الدور
وتنحرق بنار قلقي عليك
وقلبي يا ولدي عليك مطيور
طب بس حد يطمني
ويريح قلبي اللي آلمني
مش قادرة ازوره لكبر سني
وابني ببعاده ظالمني
وادعيله في سهري وصلاتي
ما يتحرم ولا يشوف آهاتي
ولا عينه تدمع دمعاتي
ولا صرخة تتحبس في ضلوعه
وانا قاعدة بستنى رجوعه
وكاتمه سره وموضوعه
خوفي حد يدعي عليه
خوفي حد يدعي عليه
-------------------------------------------------------
تأليف / محمد عبدالعزيز دراز
ليست هناك تعليقات:
إرسال تعليق